Без дә чыдарбыз микән?

Бу хикмәтне — мәхаббәтне
Кемнәр чыгарган икән?
Чыгарганнар, чыдаганнар,
Без дә чыдарбыз микән.

Җитәр йөрәк, сабыр кирәк,
Ташла януларыңны.
Күрәсең бит: яна-яна
Күмер калуларымны.

Бу хикмәтне — мәхаббәтне
Кемнәр чыгарган икән?
Яндыра бит, көйдерә бит,
Ничек чыдарга икән?

Җитәр йөрәк, сабыр кирәк,
Ташла януларыңны.
Күрәсеңдер, яна-яна
Нигә калуларымны?

Янып-көеп беттем инде,
Тагын янасы микән?
Әллә инде бу яклардан
Башны аласы микән?

Җитәр йөрәк, сабыр кирәк,
Ташла януларыңны.
Күрәсеңдер, яна-яна
Нигә калуларымны?

Ноты для песни: