Туган көн (уникенче вариант)

Категория: көе сүзләре

Бәйрәмнәрнең дә бәйрәме,
Ул бит безнең туган көн.
Истәлекле шушы көнне
Көтеп ала бит һәркем.

Туган көн ул туган көн,
Гомернең бер мизгеле,
Әллә нидән шатландыра,
Сөендерә күңелне.

Бүләкләргә, теләкләргә
Күмеләсең ул көнне.
Күңелле булган вакытлар
Куандырмый соң кемне?

Туган көн ул туган көн,
Гомернең бер мизгеле,
Әллә нидән шатландыра,
Сөендерә күңелне.

Каршы алыйк бәйрәмнәрне
Дуслар, туганнар белән бергә.
Якыннар белән гөрләшеп
Яшик шулай гомергә.

Туган көн ул туган көн,
Гомернең бер мизгеле,
Әллә нидән шатландыра,
Сөендерә күңелне.

Голосов пока нет
Бу җыр репертуарында бар
« »