Багалмам (икенче вариант)

Йөрәгемнең түрләренә
Яздым мин синең исемне.
Ничек кенә аңлатыйм соң
Шул серле сөю хисемне.

Якты көнем, айлы төнем,
Сулар һавам син — багалмам,
Аккошкаем, балкышкаем,
Мин бер көн синсез тора (а)лмам.

Теләп алган язмышым син,
Сөйкемле чын сөю язым.
Якыным син, байлыгым син,
Җаныма якын моң-назым.

Ямьле җәем, тормыш җаем,
Фәрештәм син, өметем,
Сиңа дигән сөюләрем,
Мәхаббәтем син бербөтен.