Кирәкми сүзләр

Чәчәкләре сулмас гөлем
Ул бит безнең мәхаббәт,
Тоеп шушы гүзәл хисне
Яшәүләре мең рәхәт.

Син миңа, мин сиңа кадерле,
Матур җыр итик гомерне.
Аңлата күзләр, кирәкми сүзләр,
Бәхеттән балкый йөзләр.

Ялкынга тиң мәхаббәтнең
Тылсымлыдыр назлары,
Шау чәчәккә күмелгән бит
Яшьлегебез язлары.

Син миңа, мин сиңа кадерле,
Матур җыр итик гомерне.
Аңлата күзләр, кирәкми сүзләр,
Бәхеттән балкый йөзләр.

Шаяным син, асыл кошым,
Гомеремнең балкышы.
Мәхаббәтем күлләренең
Син бит йөзәр аккошы.

Син миңа, мин сиңа кадерле,
Матур җыр итик гомерне.
Аңлата күзләр, кирәкми сүзләр,
Бәхеттән балкый йөзләр.
Син миңа, мин сиңа кадерле,
Матур җыр итик гомерне.
Аңлата күзләр, кирәкми сүзләр,
Бәхеттән балкый йөзләр…
Бәхеттән балкый йөзләр…