Пар аккоштай чынаяклар
Түгәрәк өстәлләрдә…
Түгәрәк бәхет телимен
Һәрбер чәй эчкәннәргә…
Өрә-өрә чәйләр эчәм,
Иреннәрем пешмәсен…
Сөя белми сөйдергәннәр
Иреннәрен тешләсен….
Чәйләрегез тәмлеме соң?
Куеларын эчмәгез.
Мәхәббәтегез суынса,
Күз ялкынын өстәгез!
Өрә-өрә чәйләр эчәм,
Иреннәрем пешмәсен…
Сөя белми сөйдергәннәр
Иреннәрен тешләсен….
Чынаяклар сурәтендә
Чия, балан, карлыган…
Йөрәккәем сыкраганда
Җырлар язып калдырам….
Өрә-өрә чәйләр эчәм,
Иреннәрем пешмәсен…
Сөя белми сөйдергәннәр
Иреннәрен тешләсен….
Бу җыр Әбри Хәбриев репертуарында бар
Добавлено tatassr в СР, 29/01/2025 - 17:18
«
»