Бу дөнъяның көзләре дә матур…
Киткән коштар, әйдә, китсеннәр,
Үткән гомерең кире кайтмас, диеп,
Баш очымнан, әйдә, үтсеннәр.
Үткән гомер кире кайтмаса да.
Киткән кошлар кире кайтыр ул;
Бу дөньяның көзләре дә матур,
Син булганга шулай матур ул,
Киткән кошлар кайтыр, кайтыр ул!
Көзләрнең бит язлары да була,
Китүләрнең була кайтыры.
Яннарымда син каласың әле,
Синең белән дөнья матур ул.
Үткән гомер кире кайтмаса да.
Киткән кошлар кире кайтыр ул;
Бу дөньяның көзләре дә матур,
Син булганга шулай матур ул,
Киткән кошлар кайтыр, кайтыр ул!
Синең белән без йөрегән юлга
Киткән кошлар юлы тиңме ни?
Синнән башка гомерем ямьсез минем,
Синнән башка мин ул минме ни?!
Үткән гомер кире кайтмаса да.
Киткән кошлар кире кайтыр ул;
Бу дөньяның көзләре дә матур,
Син булганга шулай матур ул,
Киткән кошлар кайтыр, кайтыр ул!
Моңсу гына аккан көннәрем дә
Син булганга җырлап ага бит,
Син булганда минем йөрәгем дә
Яшь чактагы сымак кага бит.
Үткән гомер кире кайтмаса да.
Киткән кошлар кире кайтыр ул;
Бу дөньяның көзләре дә матур,
Син булганга шулай матур ул,
Киткән кошлар кайтыр, кайтыр ул!