Диңгезнең дә була төрле чагы.
Бер давыллап ала, бер тына,
Раушаниям, бәгырем,
Бер давыллап ала, бер тына,
Күңелләрем сиңа омтыла,
Күңелләрем сиңа омтыла.
Хат-хәбәрең юк бу араларда,
Сәлам әйтми искән җилләр дә.
Раушаниям, бәгырем,
Сәлам әйтми искән җилләр дә,
Ансыз кыен ерак җирләрдә,
Ансыз кыен ерак җирләрдә.
Акчарлаклар очкан Агыйделдә
Тугайларны ялгыз гизәмсең,
Раушаниям, бәгырем,
Тугайларны ялгыз гизәмсең,
Чәчәкләрне миңа өзәмсең,
Чәчәкләрне миңа өзәмсең?
Бу җыр Гомәр Әбделмәнов, Илфак Смаков репертуарында бар
«
»