Бертуганым

Без әнинең газизләре,
Тамырлардан бер кан ага.
Аерым яшәсәк тә без бит
Бер анадан туган бала.

Еллар уза, гомер үтә,
Булгалыйдыр төрле чагым.
Шатлык-кайгым бүлешергә,
Ярый син бар, бертуганым.

Тугансыңдыр бу дөньяга
Игелекләр кылыр өчен,
Җаныңны ярып бирергә
Һәрчак әзер торыр өчен.

Еллар уза, гомер үтә,
Булгалыйдыр төрле чагым.
Шатлык-кайгым бүлешергә,
Ярый син бар, бертуганым.

Бер сүзең дә дәва була
Кайчак йөрәк ярасына.
Тормыш йөге җиңелерәк
Син булганда арабызда!

Еллар уза, гомер үтә,
Булгалыйдыр төрле чагым.
Шатлык-кайгым бүлешергә,
Ярый син бар, бертуганым.
Шатлык-кайгым бүлешергә
Син бар, бәгърем, бертуганым…
Карындашым, бертуганым…