Бәхет алмалары

Агачларның яфраклары төрле,
Охшашларын таба (а)лмыйсың.
Бигрәк кыен эзләп табулары
Миңа дигән бәхет алмасын.

Язмышларның бәхет алмаларын
Ятларныкын өзеп алмагыз,
Ялгыш өзеп, гомер буйларына
Бәхетсезләр булып калмагыз.

Гомер сукмакларын үтәр өчен
Үз тиңеңне килә табасы.
Җанга җылы сөю бирә (а)лмый
Чит бакчаның татлы алмасы.

Язмышларның бәхет алмаларын
Ятларныкын өзеп алмагыз,
Ялгыш өзеп, гомер буйларына
Бәхетсезләр булып калмагыз.

Язмыш агачында алмаларның
Һәркемгә дә тия өлеше.
Уртак уйлар белән яшәгәндә
Ходай бирә татлы җимешен.

Язмышларның бәхет алмаларын
Ятларныкын өзеп алмагыз,
Ялгыш өзеп, гомер буйларына
Бәхетсезләр булып калмагыз.
Ялгыш өзеп, гомер буйларына
Бәхетсезләр булып калмагыз…
Бәхетсезләр булып калмагыз…