Сагынам, бигерәк сагынам
Пароход тавышларын.
Яшь чагымда мин аларга
Күпме җыр багышладым.
Кайтыгыз, пароходларым,
Узыгыз яннарымнан.
Сезгә кул изәп калырмын
Агыйдел ярларыннан.
Ул чакларым кайтмаска дип,
Агып киттеләр инде.
Сөю тулы яшьлегемне
Алып киттеләр инде.
Ак пароходлар су өстен
Бизәкли, бизи иде.
Ак күлмәкле, ак тасмалы
Кызлар кул изи иде.
Кайтыгыз, пароходларым,
Узыгыз яннарымнан.
Сезгә кул изәп калырмын
Агыйдел ярларыннан.
Ул чакларым кайтмаска дип,
Агып киттеләр инде.
Сөю тулы яшьлегемне
Алып киттеләр инде.
Агыйдел дип мин чак кына
Сарыга сабышмадым.
Китте ак пароходларым,
Калды ак сагышларым.
Кайтыгыз, пароходларым,
Узыгыз яннарымнан.
Сезгә кул изәп калырмын
Агыйдел ярларыннан.
Ул чакларым кайтмаска дип,
Агып киттеләр инде.
Сөю тулы яшьлегемне
Алып киттеләр инде.
Сөю тулы яшьлегемне
Алып киттеләр инде…
