Сөялдем сөяннәргә (икенче вариант)

Тукталдым яланнарда,
Сокландым баланнарга;
Бар ялкынымны бирәмен
Кабына алганнарга.

Сөялдем сөяннәргә,
Тирбәлдем имәннәрдә;
Бар шатлыгымны бирәмен
Кадерен белгәннәргә.

Йөгердем урамнарда,
Уралдым бураннарга;
Йөрәк давылын бирәмен
Бик тыныч булганнарга.

Сөялдем сөяннәргә,
Тирбәлдем имәннәрдә;
Бар шатлыгымны бирәмен
Кадерен белгәннәргә.

Карадым офыкларга,
Үрелдем болытларга;
Бу җырларым канат булсын
Күңеле боекларга.

Сөялдем сөяннәргә,
Тирбәлдем имәннәрдә;
Бар шатлыгымны бирәмен
Кадерен белгәннәргә.
Кадерен белгәннәргә…

/Сөян — кабыксыз юкә үзагачы/