Әткәй-әнкәй (икенче вариант)

Безнең өчен сез барына әзер,
Уегызда һәрчак балалар.
Җир йөзендә күбрәк булса иде
Сезнең кебек ата-аналар.

Бу дөньяның бөтен матурлыгы
Җыелгандыр сезнең күңелгә.
Сезнең урын, әткәй-әнкәй, һәрчак
Йөрәкләрнең иң-иң түрендә.

Без өлкәннәр диеп уфтанмагыз,
Кирәк бары алга атларга.
Язсын иде сезгә йөз яшь тулгач,
Әткәй-әнкәй диеп котларга.

Бу дөньяның бөтен матурлыгы
Җыелгандыр сезнең күңелгә.
Сезнең урын, әткәй-әнкәй, һәрчак
Йөрәкләрнең иң-иң түрендә.