Көтмәгәндә сылукаем
Очрадың юлларымда.
Җитәкләшеп күп йөредек
Якты күл буйларында.
Безне күреп серләштеләр
Яр буенда камышлар.
Әйтерсеңдә алар өчен
Без күптәнге танышлар.
Якты күлнең дулкыннары
Тирбәләләр тын гына.
Мәхәббәтнең утларында
Янмый икән кем генә?!
Безне күреп серләштеләр
Яр буенда камышлар.
Әйтерсеңдә алар өчен
Без күптәнге танышлар.
Бер ялгызым утырамын
Якты күл буйларында.
Сылукаем сихерләде
Чыкмассың уйларымнан.
Безне күреп серләштеләр
Яр буенда камышлар.
Әйтерсеңдә алар өчен
Без күптәнге танышлар.
Бу җыр Динар Халиков репертуарында бар
Добавлено Almaz в ВС, 27/04/2025 - 00:17
«
»