Үз илемдә (икенче вариант)

Һай, Уралым, Уралым!
Син бит минем үз ягым.
Сагынамын тауларын …
Чишмәләрнең моңнарын …

Үз илемдә сандугач,
Сайрый да бит таң тугач.
Курай моңы таралып,
Җыр җырланыр моң тулгач.

Сагындым аланнарын,
Олы Җаек буйларын.
Авылымның чирәмен
Бала чактай гизәмен.

Үз илемдә сандугач,
Сайрый да бит таң тугач.
Курай моңы таралып,
Җыр җырланыр моң тулгач.

Төнге аязлы күктә,
“Ҡош юлы”н эзләп таптым.
Хыялларым биектә
Уйлар буйлап юлладым.

Үз илемдә сандугач,
Сайрый да бит таң тугач.
Курай моңы таралып,
Җыр җырланыр моң тулгач.