Безгә дөнья дәшә

Категория: көе сүзләре

Яну-дөрләү, уйнау-көлү — туган-үскән якта.
Үзе бәхет икән җырлау, дустым, синең хакта.
Шаяр әле, уйна әле, елмай әле тагын,
Күңелеңә күзләремнән нурлар җыяр чагың.

Юлларыңа гөлләр генә сибәр чак минем дә,
Икәү бергә барыйк әле иңне куеп иңгә.
Бүгенге кич ник матур дип, безгә дөнья дәшә,
Дөнья матур, шундый матур, чөнки без янәшә!

Безнең күңел назлап туймый туган-үскән якны,
Сөйләр сүзләр бетмәс инде, бетмәс таңга чаклы!
Яну-дөрләү, уйнау-көлү — безнең туган якта,
Үзе бәхет икән җырлау, дустым, синең хакта.

Ваша оценка: Нет Рейтинг: 10 (4 голоса)
« »