Гомер (тугызынчы вариант)

Үткән гомерем үкендерми,
Сагышка гына сала.
Алга өмет белән карап,
Күңел үткәндә кала.

Үткән гомерем үкендерми,
Үткәннәрдә — сагышым
Бала чагым — назлы язым,
Яшьлегем — җәй балкышы.

Бала чагым йөри төсле
Һаман шаярып-уйнап.
Яшьлегем йөгерә кебек
Яшел болыннар буйлап.

Үткән гомерем үкендерми,
Үткәннәрдә — сагышым
Бала чагым — назлы язым,
Яшьлегем — җәй балкышы.

Алтын көзгә атлап барам
Янымда — балаларым.
Күңелемдә — бетмәс шатлыҡ,
Алтыннан — хыялларым.

Үткән гомерем үкендерми,
Үткәннәрдә — сагышым
Бала чагым — назлы язым,
Яшьлегем — җәй балкышы.