Сары дип саргаймагыз

Гомер уза, күлмәк туза
Диеп йөри күрмәгез.
Шушындый матур тормышны
Сарыларга төрмәгез.

Каралар дип картаймагыз,
Сары дип саргаймагыз.
Кирәкмәгән уйлар уйлап
Юк-барга картаймагыз.

Гомер — чәчкә, шау чәчәктә
Булсын бәхет гөлләре.
Әле уңда, әле сулда
Йөртә язмыш җилләре.

Каралар дип картаймагыз,
Сары дип саргаймагыз.
Кирәкмәгән уйлар уйлап
Юк-барга картаймагыз.

Уйлар-уйлар, юктыр яры,
Юк башы, юк ахыры.
Тормышларны төссез итә
Күңелләрнең моң-зары.

Каралар дип картаймагыз,
Сары дип саргаймагыз.
Кирәкмәгән уйлар уйлап
Юк-барга картаймагыз.
Кирәкмәгән уйлар уйлап
Юк-барга картаймагыз.
Юк-барга картаймагыз…