Насыйп ярым (икенче вариант)

Бер карауда гашыйк булдык —
Күзләрне алмый күздән.
Бер-беребезне хәзер без
Аңлыйбыз ярты сүздән.

Син минем насыйп ярымдыр,
Мин синең насыйп ярың.
Язсын безгә тоеп яшәү
Бер-беребезнең барын.

Сөю-сәгадәт илендә
Гүя без икәү генә.
Хисләребезнең сафлыгы
Тиң энҗе бөртегенә.

Син минем насыйп ярым да
Мин синең насыйп ярың.
Язсын безгә тоеп яшәү
Бер-беребезнең барын.

Син бәхетле мин булганга,
Мин бәхетле, син, дип, бар.
Бер-берсен яратып туймас
Бездер ул бәхетле пар.

Син минем насыйп ярым да
Мин синең насыйп ярың.
Язсын безгә тоеп яшәү
Бер-беребезнең барын.
Язсын безгә тоеп яшәү
Бер-беребезнең барын…
Бер-беребезнең барын…