Бер карадым күзләреңә (беренче вариант)

Бер карадым күзләреңә,
Икенче — йөзләреңә.
Бер карауда мәхәббәтле
Күрендең күзләремә.

Зәңгәр күлнең (Агыйделнең) суы салкын,
Салкын тирәнгә күрә.
Һич исләремнән чыкмыйсың
Өз(е)леп сөйгәнгә күрә.

Былбыл булсам — бакчаларда
Бер агач сайлар идем.
Шул агачта сезне мактап
Иртә-кич сайрар идем.

[Сары матур, сары матур,
Сары матур сайласаң.
Әллә кайлардан танырмын
Дуслар булып сайрасаң.]

Бер карадым күзләреңә,
Икенче — йөзләреңә.
Бер карауда мәхәббәтле
Күрендең күзләремә.
Бер карауда мәхәббәтле
Күрендең күзләремә…