Көнбагышлар

Көнбагышлар, көнбагышлар,
Җилгә очсын сагышлар.
Кайларда гына булсак та,
Йөртә безне язмышлар.

Сары төстә басуларда
Чәчәк ата көнбагышлар.
Җылы-назлы нур бөркелә,
Тарала сагышлар.

Сары төсне сагыш диләр,
Мин сагышка тиңләмим.
Сагыш, борчу, кайгыларны
Беркемгә дә теләмим.

Сары төстә басуларда
Чәчәк ата көнбагышлар.
Җылы-назлы нур бөркелә,
Тарала сагышлар.

Көнбагышка гашыйк мин,
Таҗлары дулкын-дулкын.
Алар башын игән чакта
Йөрәгем тулы ялкын.

Сары төстә басуларда
Чәчәк ата көнбагышлар.
Җылы-назлы нур бөркелә,
Тарала сагышлар.
Тарала сагышлар…