Без — татарлар!

Татар исемен без
Горур йөртә торган бер халык.
Без — татарлар!
Татар исемен без
Иң-иң озак йөрткән бер халык.

Без — татарлар!
Болгар, себер, мишәр, керәшен,
нократ, типтәр, нугай,
Тагын әле бүтән татарлар.
Без бит инде күптән татарлар.
Тик бер генә туган телебез,
Тик бер генә туган илебез.

Без — татарлар!
Шушы исем белән
Җирдә яшәү үзе бер бәхет.
Без — татарлар!
Яшибез без җирдә
Бар халыклар белән гөрләшеп.

Без — татарлар!
Болгар, себер, мишәр, керәшен,
нократ, типтәр, нугай,
Тагын әле бүтән татарлар.
Без бит инде күптән татарлар.
Тик бер генә туган телебез,
Тик бер генә туган илебез.

/ Чыганак: Азнакай тамчылары (төз. С.Вилданова, М.Галиев) — Казан: Рухият, 2000. /