Кара күзләр (икенче вариант)

Өздереп, көйдереп карады кара күзләр,
Өзелгән сөюне ялгады кара күзләр;
Ак нур сипте, ак нур сипте гүя
Таң йолдызы, таң йолдызы миңа.

Йөрәкләр талпынып, тартылды ничә еллар,
Юлларны аерып, кагылды искән җилләр;
Тик хис кенә, тик хис кенә ташты,
Моң күңелдән, моң күңелдән акты.

Мөлдерәп, сагышым чайпылыр чагы иде,
Язмышым язлыкмый очратты тагы сине:
Ак нур сибеп, ак нур сибеп яна
Кара күзләрең, кара күзләрең бага.