Карлы-бозлы яңгыр

Карлы-бозлы яңгыр,
Тәрәзәмә кагыл,
Синең тавыш басар сагышны.
Икәү бергә көткән
Ләйсән яңгыр явып үткән,
Яңгыр ява — көзнең сагышы.

Карлы-бозлы яңгыр,
Битләремә кагыл,
Керфек-кашларымны бизә син!
Сизгән идем алдан,
Йөреп озын-озак юлдан,
Яңгырлардан синең бизәсең.

Карлы-бозлы яңгыр,
Кулларыма кагыл,
Туңса — туңсын, әйдә, өшесен.
Күңелем җылыткан,
Сөюдән ярсып елаткан
Иң кадерле, изге кешем син!