Тәтешле көе

Бакчабызда алма уңган,
Безгә килерсең уңнан.
Көнләшкәннәр — сөйләшсеннәр,
Күпме күрсәм дә тыймам.

Ай-һай, түтәлләр,
Күз салмасын бүтәннәр.

Алма бит ул алсу була,
Өзеп алганда гына.
Ятлар бит ул якын була,
Серең алганда гына.

Ай-һай, түтәлләр,
Күз салмасын бүтәннәр.

Алма биреп ашатырлар —
Ашама, җаныкаем,
Ашатырлар, ташлатырлар,
Ташлама, җаныкаем.

Ай-һай, түтәлләр,
Күз салмасын бүтәннәр.
Бакчада кыярлар —
Төнлә йөрмә кыйнарлар.