Әнкәй, мине нинди көйләр
Көйләп тирбәттең икән?
Күңелемне юатырга
Ничек өйрәттең икән?
Син иң озын җырларыңны
Миңа җырлагансыңдыр,
Көйләреңне төннәр буе
Миңа көйләгәнсеңдер.
Миңа гына җырлангандыр
Җаныңда бар булган моң,
Чөнки мин чорсыз булганмын,
Төнлә йокламаганмын.
Син иң озын җырларыңны
Миңа җырлагансыңдыр,
Көйләреңне төннәр буе
Миңа көйләгәнсеңдер.
Мин әле дә, Әнкәй, синең
Көйләреңә елынам,
Асыл бишек җырларыңны
Хәтерләргә тырышам.
Син иң озын җырларыңны
Миңа җырлагансыңдыр,
Көйләреңне төннәр буе
Миңа көйләгәнсеңдер.
Бу җыр Фирзинә Абдуллина репертуарында бар
Добавлено Almaz в СБ, 22/11/2025 - 00:44
«
»