Хыял кошым

Көмеш күлен ташлап аккош оча,
Йөрәгемдә — сагыш ялкыны.
Канатларын җилпеп,
Ак нурларын сибеп,
Хыял кошым китә ахрысы.

Күңелем түрендә,
Тормышым күгендә
Син охшашсың шушы аккошка.
Һавада бер (ул) аккош,
Хыялымдагы кош
Канат җилпеп-җилпеп хушлаша.

Язын кайтмый калса шушы аккош,
Канатларын җилләр каерып,
Күл аккошсыз нишләр?
Елый-елый кибер,
Аккошкаен көтеп, сагынып.

Күңелем түрендә,
Тормышым күгендә
Син охшашсың шушы аккошка.
Һавада бер (ул) аккош,
Күңелемдәге кош
Канат җилпеп-җилпеп хушлаша.