Кадерлем, озак яшә

Карыйм сиңа, карыйм, җаным,
Ягымлы күзләреңә.
Нурлы булып утырасың
Табынның түрләрендә.

"Ярый әле син бар!" — диеп,
Яратып, сөеп дәшәм.
Миннән сиңа олы теләк:
"Кадерлем, озак яшә!"

Күңелемнең жылылары
Җырымның көйләрендә.
Телим бәхет, шатлыкларны
Алдагы көннәреңә!

"Ярый әле син бар!" — диеп,
Яратып, сөеп дәшәм.
Миннән сиңа олы теләк:
"Кадерлем, озак яшә!"

Мин бик бәхетле булырмын,
Син булсаң янәшәмдә.
Бу дөньяның матурлыгы
Яратып яшәүләрдә.

"Ярый әле син бар!" — диеп,
Яратып, сөеп дәшәм.
Миннән сиңа олы теләк:
"Кадерлем, озак яшә!"