Мәңгелек сагыш!

Ялгызымны ташларга, йә,
Ничек йөрәгең җитте?
Мин бит хәзер ялгыз-ярты —
Кап яртым синдә китте.
Мин бит хәзер ялгыз-ярты —
Кап яртым синдә китте.

Синең дә ярты язмышың
Калды минем күңелдә.
Ул мәңгегә сеңде, бугай,
Сагыш булып күземдә.
Ул мәңгегә сеңде, бугай,
Сагыш булып күземдә.

Язмыш ярылды уртага —
Син ерак инде хәзер,
Өем дә буш, күңел дә буш —
Аяусыз бары хәтер.
Өем дә буш, күңел дә буш —
Аяусыз бары хәтер.

Минсез яши алмагач
Җитер дә синең түзем,
Тик ничек яшисең соң син
Үзең булмыйча үзең?!