Суларда сары яфрак

Кошлар көзен китеп бара,
Кала сагынулары,
Йөрәгем кабынулары,
Аңа табынулары…

Суларда сары, сары яфрак —
Сагынуларым төсе.
Сары яфраклар күрсәм,
Арта сагыну хисе.

Кавыштырды язгы кичләр,
Аерды нигә көзләр?
Югалыр инде ярларда
Икәү калдырган эзләр.

Суларда сары, сары яфрак —
Сагынуларым төсе.
Сары яфраклар күрсәм,
Арта сагыну хисе.

Суларда сары яфрак,
Карап калыйм акканын.
Ничекләр көтеп алырмын
Тагын кошлар кайтканын?

Суларда сары, сары яфрак —
Сагынуларым төсе.
Сары яфраклар күрсәм,
Арта сагыну хисе.