Мин сине яратмас идем (өченче вариант)

Мин сине яратмас идем,
Син аңа лаек түгел.
Тик нишлим соң, сине күргәч,
Уйларым аек түгел.

Мин сине яратмас идем,
Тик алай булалмый шул.
Үзенә кунар былбылын
Тал сайлап алалмый шул.

Мин сине яратмас идем,
Яратмый түзә алсам.
Иртәгә таң атар дигән
Өметне өзә алсам.

Мин сине яратмас идем,
Тик алай булалмый шул.
Үзенә кунар былбылын
Тал сайлап алалмый шул.

Мин сине яратмас идем,
Үземнән качып булса.
Йөрәк ишеген башкага
Мәҗбүри ачып булса.

Мин сине яратмас идем,
Тик алай булалмый шул.
Үзенә кунар былбылын
Тал сайлап алалмый шул.