Әтием, күзләрең ни төсле,
Мин инде аларны оныттым.
Гомерем буена, җан әрнеп,
Әтиле кызларга кызыктым.
Кимсенеп яшьләрем тамганда
Җилләрдән сорадым: син кайда?
Күзләрең, сүзләрең онытылды,
Ә үзең яшәдең гел җанда.
Әтием диясе килгән чак
Күп булды, күп булды, күп булды.
Кайчакта рәнҗүдән, үпкәдән
Күкрәктә тыннарым буылды.
Кимсенеп яшьләрем тамганда
Җилләрдән сорадым: син кайда?
Күзләрең, сүзләрең онытылды,
Ә үзең яшәдең гел җанда.
Мин инде буй җиткән кыз бала,
Күп кенә егетләр күз сала.
Әнием язмышын күрәм дә
Сөюгә ышаныч югала.
Кимсенеп яшьләрем тамганда
Җилләрдән сорадым: син кайда?
Күзләрең, сүзләрең онытылды,
Ә үзең яшәдең гел җанда.
Әтием, синең дә мине бер
Күрәсең киләдер, ышанам.
«Кызым» дип каршыма килсәң дә,
«Әти» дип мин сине кочалмам.
Кимсенеп яшьләрем тамганда
Җилләрдән сорадым: син кайда?
Күзләрең, сүзләрең онытылды,
Ә үзең яшәдең гел җанда.
Варианты песни
