Җирдә, күктә, диңгезләрдә —
Бу дөньяда юллар тулы,
Тик барыннан якынырак,
Кадерлерәк мәктәп юлы.
Үтсәк тә без күпме юллар,
Хәтерләрбез һәр чак аны:
Күңелләрдә, Кош юлындай,
Балкып торыр, мәктәп юлы.
Җир астында, җир өстендә,
Күпме юллар — тасма сымак;
Диңгезләрне ярып үтә,
Йолдызларга илтә сукмак.
Үтсәк тә без күпме юллар,
Хәтерләрбез һәр чак аны:
Күңелләрдә, Кош юлындай,
Балкып торыр, мәктәп юлы.
Һәр көн безгә изге юллар
Әниебез теләп кала.
Әнкәмдәй, саф уйлар белән
Укытучы каршы ала.
Үтсәк тә без күпме юллар,
Хәтерләрбез һәр чак аны:
Күңелләрдә, Кош юлындай,
Балкып торыр, мәктәп юлы.
Җиз кыңгырау чакырганга,
Без дә бүген шушы юлда.
Яңа өмет, хыял белән
Сизелмичә үтәр еллар.
Үтсәк тә без күпме юллар,
Хәтерләрбез һәр чак аны:
Күңелләрдә, Кош юлындай,
Балкып торыр, мәктәп юлы.