Күрче, дустым (дускай), тирә-якны
Нинди күркәм, нинди якты.
Бәйрәм көе уйнаганда
Карашларым сине тапты.
Карлар ява әйлән-бәйлән,
Бәйрәм бүген, дуслар, бәйрәм!
Безнең тиңсез шатлыкларга
Барлык дөнья калсын хәйран!
Бәйрәмнәргә ямь өстәрлек
Хезмәт биргән шатлыклар бар.
Янымда син булгангадыр
Күңелемдә таша җырлар.
Карлар ява әйлән-бәйлән,
Бәйрәм бүген, дуслар, бәйрәм!
Безнең тиңсез шатлыкларга
Барлык дөнья калсын хәйран!
Мәхәббәтем шундый хисле,
Мәхәббәтем шундый көсле.
Йөрәгемнең ялкыннары
Учларыңа тамар төсле.
Карлар ява әйлән-бәйлән,
Бәйрәм бүген, дуслар, бәйрәм!
Безнең тиңсез шатлыкларга
Барлык дөнья калсын хәйран!
Керфегеңә карлар кунган,
Карашыңа нурлар тулган.
Балҡып торыр бәйрәм таңы / Бөтен дөнья балкып тора /
Яннарымда гел син булсаң.
Карлар ява әйлән-бәйлән,
Бәйрәм бүген, дуслар, бәйрәм!
Безнең тиңсез шатлыкларга
Барлык дөнья калсын хәйран!