Туган телем (өченче вариант)

Сандугачым, былбыл-гөлем,
Нигә моңлы синең телең?
Нигә болай сайрауларың
Үзәгемне өзә минем?
Нигә болай сайрауларың
Үзәгемне өзә минем?

Тавышыңда туган якның
Чишмәләре чыңлап китә,
Иң якын көй-моңнарыңның
Әһәңнәре чаглып үтә.
Иң якын көй-моңнарымның
Әһәңнәре чаглып үтә.

Моңнарыңның тәмен беләм,
Бигрәк инде якын күрәм.
Тугандаштыр синең телең
Минем туган телем белән.
Тугандаштыр синең телең
Минем туган телем белән.

Сандугачым, былбыл-гөлем,
Нигә моңлы синең телең?
Нигә болай сайрауларың
Үзәгемне өзә минем?
Нигә болай сайрауларың
Үзәгемне өзә минем?