Сиңа әйтер сүзем

Мин сагынам сине, бик сагынам,
Гел янымда көе сагынам.
Күзне назлар күпме сылулар бар,
Ә мин бары сиңа табынам.

Җаным да син, минем ярым да син,
Җан өрүче кинәт сүнгәндә.
Туктатучым — артык шашынганда,
Наз бирүчем — сагыш күмгәндә.

Язларыңны, яшьлек назларыңны,
Багышладың миңа, тилегә.
Мин кабатлап сине сөяр идем,
Яшьлек кайтса әгәр киредән!

Җаным да син, минем ярым да син,
Җан өрүче кинәт сүнгәндә.
Туктатучым — артык шашынганда,
Наз бирүчем — сагыш күмгәндә.