Туган якка кайтам инде

Йолдызлар елмайган чакта,
Күк йөзе балкып яна,
Бишек җыры алып керде,
Туган як моңын җанга.

Туган якка кайтам инде,
Сагындым талларымны.
Сандугачларны сайратып,
Каршылыйм таңнарымны.

Яшьлек хисләрең тоямын,
Кырларга чыгып йөрсәм.
Шатлыкларым ташып чыгар,
Туган як ямен күрсәм.

Туган якка кайтам инде,
Сагындым талларымны.
Сандугачларны сайратып,
Каршылыйм таңнарымны

Дәвалар эзләп карадым,
Тынгы юк йөрәгемә.
Нигез ташлары тартамы
Туган як төбәгенә?

Туган якка кайтам инде,
Сагындым талларымны.
Сандугачларны сайратып,
Каршылыйм таңнарымны