Син мине хәтерлә (Хәтерлә)

Кайсы мәл булмасын —
Яз, җәй, көз һәм кышын,
Син мине хәтерлә —
Шул сиңа каргышым …

Үткәннәр — шатлыгың,
Күзеңнән яшермә!
Яратма, сагынма,
Бары тик хәтерлә!

Бары тик хәтерлә,
Син мине онытма!
Моңардан бер нидә
Үзгәрмәс, курыкма!

Син йөр(е)гән юллардан
Юк, йөрмәм, кабаттан.
Ләкин син онытма, —
Мин һаман яратам!

Бары тик әлекке,
Мин белгән булып кал.
Һәм сирәк булса да,
Мине дә искә ал!

Кайсы мәл булмасын —
Яз, җәй, көз һәм кышын,
Син мине хәтерлә —
Шул сиңа каргышым …