Язлар җитсә …

Язлар җитсә, күңелемә
Иң якын моңнар тула.
Күзем шул якларга киткән
Борма юлларда була.

Авылым, сагындым,
Улыңны көтәсеңме?
Синдә туган җырны көйлим,
Җырын ишетәсеңме?!

Язлар җитсә, хәтфә була
Зәңгәр Кама (Чулман) буйлары. / Безнең Зия буйлары. /
Зифа таллар серен тыңлап,
Шунда оча уйларым.

Талларым, талларым,
Һаман серләшәсезме?
Яз җырчысы сандугачны
Иркәләп дәшәсезме?!

Язлар җитсә, нурга тула
Иркен кырлар, тугайлар.
Күңелемдә моң күпме булса,
Алар сездә туганнар.

Авылым, сагындым,
Улыңны көтәсеңме?
Синдә туган җырны көйлим,
Җырын ишетәсеңме?!