Ак каенга — ак каен

Яшьлекне яшьлек көтә,
Сөелеп гомер үтә.
Сөю утында янмасаң,
Тормышның яме бетә.

Ак каенга — ак каен,
Шулай кушкан Ходаем.
Табарсыз сез дә парларны,
Кайгырмагыз көн саен.

Килер сөю көннәре,
Ак бит аның битләре.
Сөйгәннәргә табышмак ул
Мәхәббәтең серләре.

Ак каенга — ак каен,
Шулай кушкан Ходаем.
Табарсыз сез дә парларны,
Кайгырмагыз көн саен.

Ак төсләрне барлагыз,
Мәхәббәтне аклагыз.
Хисләрегезнең сафлыгын,
Чисталыгын саклагыз.

Ак каенга — ак каен,
Шулай кушкан Ходаем.
Табарсыз сез дә парларны,
Кайгырмагыз көн саен.