Кайгының ни сүз икәнен
Аңламаган сабый бала
Моңая, сагына, күрәсең:
Ал йөзе сарылана.
Әткәсе киткән якларга,
Юлларга карап кала,
Шәлләргә төренеп суыкта,
Уйланып кала бала.
Исән-сау диләр әтисен,
Сугышта йөри, диләр.
Аңардан никтер сабыйга
Сәлам-хат китермиләр.
Кайгының ни сүз икәнен
Аңламады сабый бала!
Моңая, сагына, күрәсең:
Ал йөзе сарылана.
Бу җыр Алик Нәбиуллин репертуарында бар
Добавлено rusyazykly в Пнд, 13/07/2026 - 11:44
«
»