Каенлы юл

Куш каенлы юлдан китте,
Чукларын сыйпап үтте.
Үкенеч шул — өзелеп-өзелеп
Сөйгәнне белми китте.

Каенкайлар, күңелемне
Һәрвакыт аңладыгыз.
Нигә инде бу юлы да
Җибәрми калмадыгыз?

Хат язармы, язмас микән,
Кайтырмы, кайтмас микән?
Ул кайтмаса, сандугачлы
Таңнарым атмас бүтән.

Каенкайлар, күңелемне
Һәрвакыт аңладыгыз.
Нигә инде бу юлы да
Җибәрми калмадыгыз?

Куш каенның чукларына
Кыраулар төшәр инде.
Ялгыз йөрәк сагынудан
Бәгърем нишләр инде?

Каенкайлар, күңелемне
Һәрвакыт аңладыгыз.
Нигә инде бу юлы да
Җибәрми калмадыгыз?

Ваша оценка: Нет Рейтинг: 9.3 (22 голоса)
Бу җыр репертуарында бар « »