Чистай вальсы

Категория: көе һәм сүзләре

Гүзәл Кама буйларында
Урман, күлләр, болыннар.
Кичке нурлар яктысында
Уйный серле дулкыннар.

Чистай вальсына
Ашкына хисләр.
Җыр белән уза
Чистайда кичләр.

Гөрли Кама, җырлый Кама, —
Ярда Чистай каласы.
Чистай үсә, җырга күчә
Шат, бәхетле авазы.

Яшәү шатлыгы
Чистай җырында,
Чистай сәгате
Дуслар кулында.

Агыйделнең суын алып,
Кама коя Иделгә;
Шат күңелле халкы белән
Чистай яши күңелдә.

Омтыла хисләр
Чистай ягына —
Якын дусларны
Күңел сагына.

Ваша оценка: Нет Рейтинг: 9.3 (9 голосов)
Бу җыр репертуарында бар « »