Яшьлек хисләре

Категория: көе һәм сүзләре

Яшьлектәге хисләр,
Ямьле айлы кичләр
Саклана гел йөрәк түрендә.
Онытылмас назлары,
Сүнмәс хыяллары
Челтер чишмә булып түгелә.

Һәр яз килгән саен
Ямансулый каен,
Яшьлек таңын өзелеп сагына.
Безнең күрешүнең,
Вәгъдә бирешүнең
Тәүге шаһиты бит ул гына.

Бик күп еллар үткәч,
Гомер көзе җиткәч,
Ашкынабыз шул яшь чакларга.
Хисләрнең сафлыгын,
Күңелнең аклыгын
Насыйп булсын мәңге сакларга.

Ваша оценка: Нет Рейтинг: 10 (4 голоса)
« »