Җыр

Категория: көе сүзләре

Җырларга мин шәптән түгел, дуслар,
Тик мин җырны үлеп яратам.
Бөтен шатлыгымны җырга салам,
Кайгымны да җырлап таратам.

Әллә ничек якын туган моңнар,
Бигърәк матур, бигърәк сагышлы —
Тау юллары кебек урау-урау,
Дала кебек иркен агышлы.

Моң-зарлары ата — бабаларның
Йөрәк ярып чыккан җыр булып.
Яшәп килгән буын — буынарга
Җырда өмет якты нур булып.

Ваша оценка: Нет Рейтинг: 9.5 (2 голоса)
Бу җыр репертуарында бар « »