Мәңгегә килегез

Җырыбыз җырланып бетмәгән,
Эчәсе сулар да кипмәгән.
Сагышлар саргаеп җитмәгән,
Яшәргә вакыт та бетмәгән.

Яшәргә, дип килгәнбез җиргә,
Мөмкинлек бирелгән hәркемгә.
Биегез, уйнагыз, көлегез,
Бу җиргә мәңгегә килегез!

Байлыкка акылың китмәсен,
Намуска кара тап төшмәсен.
Йөрәгең янудан сүнмәсен,
Дусларың читләтеп үтмәсен.

Яшәргә, дип килгәнбез җиргә,
Мөмкинлек бирелгән hәркемгә.
Биегез, уйнагыз, көлегез,
Бу җиргә мәңгегә килегез!

Моң-зарга, хәсрәткә вакыт тар,
Һәркемнең яраткан яры бар.
Безнең бит тамырлар кормаган,
Иҗади рухыбыз сынмаган.

Яшәргә, дип килгәнбез җиргә,
Мөмкинлек бирелгән hәркемгә.
Биегез, уйнагыз, көлегез,
Бу җиргә мәңгегә килегез!

Ваша оценка: Нет Рейтинг: 8 (1 голос)
Бу җыр репертуарында бар « »