Сугыш уты кинәт каплап алды
Тыныч иртә, аяз ал таңны.
Ил уллары бердәм яуга китте
Саклар өчен газиз Ватанны.
Күп батырлар илгә җиңеп кайтты,
Ә берәүләр ятып калдылар.
Кояш чыккан-баткан якка карап,
Көтә-көтә күзләр талдылар.
Җан коелды, азмы кан коелды,
Авыр көрәш барган якларда.
Бәлки шуңа кояш кызарадыр
Чыккан чакта, баткан чакларда.
Бу җыр Фәхри Насретдинов репертуарында бар
Добавлено SARAfan в Пнд, 31/10/2011 - 20:18
«
»