Балачагым тугаена барып,
Әти мәтрүшкәләр җыйгандыр.
Кадерлемнең олы йөрәгенә
Бар яхшылыклар да сыйгандыр.
Мәтрүшкәле чәйләр эчеп кенә
Сагынуны басып булсачы.
Туган йортта һәрчак әти-әни
Колач җәеп, көтеп торсачы.
«Балам кайта», — диеп, әнием дә
Иртә таңнан инде торгандыр.
Түп-түгәрәк бәхет теләп миңа,
Изге догаларын кылгандыр.
Мәтрүшкәле чәйләр эчеп кенә
Сагынуны басып булсачы.
Туган йортта һәрчак әти-әни
Колач җәеп, көтеп торсачы.
Сездән башка тагын кем бар җирдә
«Бала» диеп, өзелеп җан аткан?
Әлдә ярый Ходай Тәгалә сезне
Минем әти-әни итеп яраткан.
Мәтрүшкәле чәйләр эчеп кенә
Сагынуны басып булсачы.
Туган йортта һәрчак әти-әни
Колач җәеп, көтеп торсачы.
Бу җыр Лиана Габдрахманова репертуарында бар
Добавлено Ильнур в СР, 17/10/2012 - 12:01
«
»