Дәръяларда ай-кояш бар, ай-кояш,
Дөньяларда ниләр бар, дип, кил сораш,
Дәръяларда (дөньяларда) таптым сагыш, таптым моң,
Җанкай-җаным, киңәшергә инде соң.
Минем яныу-көюләрне ни басыр,
Безнең алда күрешүләр ни гасыр,
Дөньяларда таптым сагыш, таптым моң,
Җанкай-җаным, киңәшергә инде соң.
Дәръя чиге коеп куйган коядыр,
Нечкә күңел җан-рухларны тоядыр,
Дөньяларда таптым сагыш, таптым моң,
Җанкай-җаным, киңәшергә инде соң.
Юк асты да, юк өсте — тирән икән,
Бер керәм дә, чыгамын димә икән,
Сыкрансам да кайчан, әй, дәръя диеп,
Язмыш дәшә: бу үзең, дөньяң диеп.
Дөнъяларда таптым сагыш, таптым моң,
Җанкай-җаным, киңәшергә инде соң.
Бу җыр Айдар Фәйзрахманов, Римма Ибраһимова репертуарында бар
Добавлено Almaz в ВС, 18/02/2018 - 00:15
«
»