Добавлено tatassr в ВС, 07/02/2021 - 19:26
Сөюемнең кайнарлыгын
Үзеңә дә ал әле.
Бәхет тамчылары булып
Йөрәгемә там әле.
Башкаларга күз салмамын,
Өметеңне аклармын.
Җил-яңгыр да тидермичә
Мәхаббәтне саклармын.
Сиңа гына елмаючы
Күзләремә бак әле.
Миңа гына әйтер өчен
Назлы сүзләр тап әле.
Башкаларга күз салмамын,
Өметеңне аклармын.
Җил-яңгыр да тидермичә
Мәхаббәтне саклармын.
Яратам дип әйтүләрең
Йөрәгемә май әле.
Беркая да китмә бүтән,
Яннарымда кал әле.
Башкаларга күз салмамын,
Өметеңне аклармын.
Җил-яңгыр да тидермичә
Мәхаббәтне саклармын.