Туган-тумачалар

Ачык йөзле, киң күнелле
Безнең туган-тумача.
Йортларына барып керсәң,
Күрерсең бер тамаша.

Җырлап сыйлар кунакларны
Хуҗалар аяк өсте.
Безнең туган-тумачалар
Татулык белән көчле.

Без килүгә туганнарым
Кырык эшлэрен ташлар.
Табын түренә куелыр
Тәмледән-тәмле ашлар.

Җырлап сыйлар кунакларны
Хуҗалар аяк өсте.
Безнең туган-тумачалар
Татулык белән көчле.

Бирсен Ходай бәрәкәтен,
Йортына бәхет инсен.
Яхшы күнеллеләр генә
Ишекләреннән керсен!

Җырлап сыйлар кунакларны
Хуҗалар аяк өсте.
Безнең туган-тумачалар
Татулык белән көчле.